Krizë çmimesh në Gjeorgji, rriten çmimet e blerjes dhe dhënies me qira të pronave

Çmimet e shtëpive në Gjeorgji kanë arritur në stratosferë.

Edhe qiraja është më e shtrenjtë se kurrë. Lajmi është i mirë për pronarët, të cilët thonë se rritja shkaktohet nga fluksi në Gjeorgji i refugjatëve rusë, që i largohen thirrjes ushtarake. Rusët janë gati të paguajnë më shumë dhe s i pasojë, qiramarrësit gjeorgjianë ndodhen në një situatë të pafavorshme.

“Unë jam student, përpara luftës unë dhe shoku i dhomës paguanim 160 dollarë, pasi erdhën rusët, çmimi u rrit në 400 dollarë. Po na ndihmojnë prindërit, se ndryshe nuk e përballojmë dot,” – u shpreh një qytetar.

Agjentët e pronave sqarojnë se në qendër të Tbilisit kërkesa nga qytetarët rusë është aq e lartë, saqë nuk ka mjaftueshëm apartamente.

“Vitin e kaluar çmimi i këtij apartamenti ishte 800 dollarë, ndërsa tani është 1.500. fluksi i emigrantëve ktheu gjithçka përmbys. Çmimet ndryshuan tërësisht. Në fillim të këtij procesi çmimet caktoheshin nga pronari. Në fakt është ende kështu,” – u shpreh Natia Kikolishvili, njw agjente pronash.

Sipas të dhënave të fundit, në 2022-shin, çmimet e pronave në Gjeorgji u rritën me 14.3 për qind. Shifrat luhaten çdo ditë. Kompanitë e investimeve vlerësojnë se në 2023-shin qiraja ose blerja do të bëhen edhe më të shtrenjta se vitin paraardhës.

“Sa i takon pjesës së qirasë, kjo rritje nuk do të jetë aq e madhe sa në 2022-shin, por sërish presim të rritet. Në të njëjtën kohë besojmë se çmimi i shitjeve do të rritet me 18%”,” – tha studiuesja Irina Kvakhadze.

Aktualisht tregu i pronave të patundshme në Gjeorgji diktohet nga fluksi i emigrantëve. Analistët besojnë se çmimet do të vijnë në rënie në 2024-n, por paqëndrueshmëria rajonale i bën parashikimet të vështira.

LEXONI GJITHASHTU:

• Kaligrafia gjeorgjiane, si po ringjallet arti i shekullit V në epokën digjitale
• Protesta në Gjeorgji, qytetarët kërkojnë lirimin e ish-presidentit Saakashvili