Kroacia në alarm, raportime për bomba në gjykata, evakuohen punonjësit

Raportimet për bomba janë raportuar në gjykatat në Zagreb, Varazhdin, Dubrovnik, Split dhe Pula.

Mediat e huaja, bëjnë me dije se po bëhet evakuimi i punonjësve.

Përveç gjykatave në Zagreb dhe qyteteve të tjera në Kroaci, dyshohet se po kërcënohet dhe qeveria kroate.

Punonjësit e Gjykatës Komunale dhe të Qarkut të Splitit, Prokurorisë Komunale dhe të Qarkut të Shtetit, u evakuuan për shkak të një raportimi për një bombë të vendosur.

Zëdhënësi i Gjykatës së Qarkut, gjyqtari Dinko Mešin, tha se ata e morën njoftimin për bombë me email në orën 9:24 ku shkruhej: Ndërtesat do të shemben. Mos e injoroni këtë. Bomba është vendosur, shkruan Euronews Serbia. 

“Në emailin e raportit nuk është specifikuar se ku është vendosur saktësisht bomba, kështu që supozohet se emaili është dërguar në disa adresa. Tani për tani një email të tillë e kemi marrë ne dhe Gjykata Komunale. Policia ka mbërritur shpejt në vendngjarje dhe aktualisht rreth treqind punonjës të Gjykatës së Qarkut dhe punonjësit e dy prokurorive kanë boshatisur objektet”, tha Meshin.

Policia ndodhet në terren me qen dhe aktualisht po bëhet inspektimi i objekteve.

LEXONI GJITHASHTU:

• Samiti i BE-BP në Tiranë, Bejko: Mesazh për Serbinë, nuk zbatoi detyrat e Europës
• SPAK mbyll hetimet për inceneratorin e Fierit