Kryeministri i Kroacisë, Andrej Plenkoviç ka uruar Kosovën për dorëzimin e kërkesës për anëtarësim në Bashkimin Eevropian.
Përmes një postimi në rrjetet sociale, ka përshëndetur këtë hap që ka bërë Kosova, dhe ka premtuar ndihmë nga përvoja që ka pasur Kroacia në rrugën drejt anëtarësimit.
“Përshëndesim kërkesën e Kosovës për anëtarësim në BE dhe i dëshirojmë shumë sukses në udhëtimin evropian. Do të vazhdojmë t’i japim mbështetje dhe do t’ia ofrojmë përvojën tonë kroate. Urime kryeministrit, Albin Kurti, dhe presidentes Vjosa Osmani”, shkroi ai në Twitter.
Plenkoviç është ndër liderët e parë të vendeve të BE-së, që ka uruar Kosovën për aplikimin e dorëzuar ditën e sotme.
Pozdravljamo zahtjev Kosova za članstvo u 🇪🇺 i želimo im puno uspjeha na europskom putu! Nastavit ćemo pružati potporu i prenositi hrvatska iskustva. Čestitke @albinkurti, @VjosaOsmaniPRKS i svim građanima Kosova! pic.twitter.com/jX2td69ffB
— Andrej Plenković (@AndrejPlenkovic) December 15, 2022
Kryeministri i Kosovës, Albin Kurti, i dorëzoi të enjten Çekisë, vendit që aktualisht kryeson Presidencën e Bashkimit Evropian, aplikimin e Kosovës për anëtarësim në BE.
Të mërkurën, aplikimi i Kosovës për anëtarësim në BE u nënshkrua nga presidentja Vjosa Osmani, kryetari i Kuvendit, Glauk Konjufca, dhe kryeministri Albin Kurti.
LEXONI GJITHASHTU
- ‘U shkel Marrëveshja e Uashingtonit’, Vuçiç flet për aplikimin e Kosovës për në BE
- Vjosa Osmani: Koha kur ushtria serbe na cënonte ka marrë fund
- Ministri serb: Të këmbëngulim për kthimin e trupave tanë në Kosovë
