Ministri serb: Të këmbëngulim për kthimin e trupave tanë në Kosovë

“Serbia duhet të këmbëngulë në kërkesën që një pjesë e ushtarëve dhe policëve të saj të kthehen në Kosovë.”

Kështu u shpreh këtë të enjte ministri serb i Mbrojtjes, Millosh Vuçeviç, shkruan Euronews Serbia.

Ai deklaroi se kjo është një periudhë e vështirë për Serbinë, ku shteti dhe kombi serb ndodhen nën presion të madh.

Sipas tij, Prishtina është një hap larg fillimit të një përballjeje përfundimtare me serbët, por shtoi se KFOR-i do ta përmbushë misionin e tij dhe do të sigurojë paqen dhe sigurinë.

“Ne presim që ata të veprojnë në përputhje me mandatin e tyre, të garantojnë paqen dhe sigurinë dhe të mos merren me çështje politike dhe statusin e krahinës sonë jugore,” theksoi Vuçeviç.

LEXONI GJITHASHTU

• Borrell informon liderët e BE-së për tensionet Kosovë-Serbi
• Osmani: Veriu i Kosovës sfidë për shkak të pretendimeve territoriale të Serbisë
• Kreu i EULEX: Situata në Veri serioze, barrikadat të hiqen në mënyrë paqësor