Kryebashkiakja socialiste e Parisit synon presidencën franceze

Anne Hidalgo, kryebashkiakja socialiste e Parisit, synon që të bëhet presidentja e ardhshme e Francës.

“Unë dua të bëj gjithçka me ju për të ndërtuar një Francë më të drejtë”, tha ajo nga qyteti industrial verior i Rouen.

Ajo gjithashtu u zotua të rrisë pagat, të rrisë ekonominë, të zbatojë një “plan masiv për spitalet”.

“Mandati pesëvjeçar që po përfundon duhej të bashkonte francezët, por i ka ndarë si kurrë më parë. Supozohej të zgjidhte problemet shoqërore, i kishte përkeqësuar ato. Duhej të mbronte planetin tonë, i ka kthyer shpinën ekologjisë”, tha ajo.

Ajo shtoi se vendosi të kandidojë për shkak të situatës “shqetësuese” të vendit dhe akuzoi Macron se “i kishte kthyer shpinën ekologjisë”.

Hidalgo, 62 vjeç, ka udhëhequr kryeqytetin francez që nga viti 2014 dhe është favorit për të fituar në votimin presidencial të vitit të ardhshëm.

Por, elektorati francez i ka kthyer shpinën partisë së majtë që nga zgjedhjet presidenciale të vitit 2017, të fituara nga Emmanuel Macron.

LEXONI GJITHASHTU:

• Greqia dhe Italia kërkojnë teste dhe certifikata vaksinimi për punonjësit
• Kush do të pasojë Merkel? Kandidatët për kancelar përballen në debat televiziv
• Epoka Merkel drejt fundit, pas 16 vitesh Gjermania me kancelar tjetër