Kryebashkiaku i Vlorës, Dritan Leli paraqitet në SPAK

Kreu i Bashkisë së Vlorës, Dritan Leli është paraqitur mesditën e sotme në Prokurorinë e Posaçme.

Mësohet se Leli është marrë në pyetje nga Prokuroria e Posaçme, por nuk dihet ende arsyeja.

Së fundmi, borxhet e ujësjellësit kanë nxjerrë në pah një tjetër përplasje mes kryebashkiakut të Vlorës dhe Këshillit Bashkiak.

Me një shumicë të Partisë Socialiste, anëtarët e këtij këshilli, kanë kërkuar që ujësjellësi të kthehet në një shoqëri aksionere.

Për “Euronews Albania”, kryebashkiaku Dritan Leli ka deklaruar se Bashkia e Vlorës nuk është kundër rajonalizimit të ujësjellësave, por duhet një analizë dhe konsultim me publikun.

Vetë Leli, i cili i është drejtuar me një letër Këshillit Bashkiak për të mos miratuar këtë projekt vendim.

Kryetari i bashkisë ka thënë se vendimi i paraqitur nga këshilltarët bashkiakë nuk është  parashikuar as në vendimin e Këshillit të Ministrave për rajonalizimin e ujësjellësve.