Kryemadhi në Berat: Me Lefter Maliqin do të marrim mandatin e katërt në këtë qytet

Në një takim elektoral në qytetin e Beratit, kryetarja e Lëvizjes Socialiste për Integrim tha se LSI-ja i ka pasur gjithmonë të sigurta tre mandate në atë qytet.

Duke iu drejtuar Lefter Maliqit, kandidatit për deputet të LSI-së në Berat, Kryemadhi theksoi se me të, mandati i katërt do të jetë i sigurt.

Sipas saj dëshira e qytetarëve për ndryshim është ajo që i inkurajon për fitoren.

“Besoj te energjia, besoj te forca, besoj te kurajo por mbi të gjitha besoj te dëshira që kanë sot të gjithë qytetarët e Shqipërisë për ndryshim sepse ajo që është më e rëndësishme se kushdo tjetër është lufta që ne bëjmë për familjen, për fëmijët, për të rinjtë dhe të rejat,” – u shpreh Kryemadhi.

LEXONI GJITHASHTU: 

• Kryemadhi në Kombinat: Rama kërkon ta shesë lagjen tek oligarkët
• Kryemadhi: Do të jem deputetja e Lushnjës për të shlyer çdo borxh ndaj jush
• Kryemadhi në Laprakë: Edi Rama nuk e ndalon dot rrugën e ndryshimit