Kryemadhi takim me gratë në Fier: Rama varfëroi vendin dhe largoi rininë, meriton të largohet

Kryetarja e Lëvizjes Socialiste për Integrim Monika Kryemadhi ishte në Fier, ku gjatë një takimi me gra dhe vajza të këtij qyteti, prezantoi kandidatet e LSI-së për këtë qark.

Kryemadhi u shpreh se “për tetë vite Rama nuk mbajti asnjë premtim, prandaj duhet të largohet në 25 prill”.

“[Qytetarët] Kanë tetë vjet që e dëgjojnë atë që gënjen, katër vjet ishte vetëm me tepsi, me kusi, me timon, i vetëm fare, dhe ja ku jemi sot, taksa më të larta, çmime më të larta, biznese të mbyllura, fëmijë të larguar nga shtëpia, shkolla të shkatërruara, spitale të rrënuara, shërbim shëndetësor skandaloz, faturat e ilaçeve më të larta se kushdo tjetër, e pra kjo është ajo që ai kërkonte, të pasuronte veten e tij dhe të oligarkëve të tij dhe të varfëronte qytetarët,” – tha Kryemadhi duke i kërkuar votën qytetarëve.

LSI renditet në numrin 6 në fletën e votimit.