Kryemadhi: Veliaj mori të gjithë bandat e Saimir Tahirit, ja si mundet

Deputetja e Partisë së Lirisë, Monika Kryemadhi thotë se kryebashkiaku i Tiranës, Erion Veliaj, tanimë është më i fuqishëm se vetë kyeministri Edi Rama.

Në emisionin “Now” në Euronews Albania, Kryemadhi u shpreh se Veliaj kontrollon të gjithë biznesin e ndërtimit në kryeqytet dhe të gjitha bandat që sipas saj, dikur kontrolloheshin nga ish-ministri i Brendshëm, Saimir Tahiri.

Sipas saj, kandidati i cili do të sfidojë Veliajn për Tiranën, duhet të ketë një program të qartë dhe të flasë për qytetarët, jo për politikën.

“Sot që flasim, me sondazhe, 87% e qytetarëve të Tiranës ndiejnë neveri për Erion Veliajn, edhe vetë socialistët. Pse? Sot Erion Veliaj është më i fuqishëm ekonomikisht se të gjithë socialistët bashkë, por edhe se vetë Edi Rama. Erion Veliaj kontrollon të gjithë biznesin e ndërtimit, edhe pse është Edi Rama ai që jep leje për kulla të larta.

Erion Veliaj kontrollon të gjithë bandat që dikur kontrolloheshin nga Saimir Tahiri. Sot Erion Veliaj është më i fuqishëm edhe se Edi Rama. Prandaj, personi që do të jetë përballë Erion Veliajt, duhet të ketë një program të qartë dhe të flasë për qytetarët, jo për politikën”, theksoi ajo.

LEXONI GJITHASHTU

• “Si t’i paguajë dritat”, Kryemadhi: Duma iku nga politika për 1 jetë më të mirë
• Kryemadhi: Unë e Meta do dilnim nga politika, sekretet që ai pa na ndërruan mendjen
• Kryemadhi: Po na luani mendsh, Rama ka 30 vjet, duhet të iki