Kryeministri britanik viziton Kievin

Kryeministri britanik, Rishi Sunak më 19 nëntor vizitoi për herë të parë në Kievin që nga marrja e detyrës në fund të tetorit.

Kështu njoftoi presidenti ukrainas, Volodymyr Zelensky.

“Që nga ditët e para të luftës, Ukraina dhe Britania e Madhe kanë qenë aleatët më të fortë”, tha ai në një postim në Facebook.

Sunak njoftoi se Londra do t’i japë Kievit ndihmë ushtarake në vlerë prej 59.4 milionë dollarësh, duke përfshirë armë kundër-ajrore dhe teknologji anti-dronë, shkruan Radio Evropa e Lirë.

Ish-kryeministri britanik, Boris Johnson kishte deklaruar në korrik se mbështetja britanike për Ukrainën “nuk do të lëkundet” pavarësisht se kush do të bëhet kryeministri i ardhshëm i vendit të tij.

LEXONI GJITHASHTU:

• Biden ngatërron emrin e Rishi Sunak, lapsusi përsëritet nga zëdhënësja
• Biden kundër Zelenskit: Raketat që ranë në Poloni ishin të Ukrainës