Kryeministri i Pakistanit paralajmëron SHBA-në dhe Iranin: Shkelja e armëpushimit rrezikon paqen

Kryeministri i Pakistanit Shehbaz Sharif  tha se shkeljet e armëpushimit ‘minojnë procesin e paqes’.

Pa specifikuar se për cilat shkelje të armëpushimit po i referohet saktësisht, Kryeministri i Pakistanit Sharif, ai tha se shkeljet e raportuara “në të gjithë zonën e konfliktit… minojnë frymën e procesit të paqes”.

“Unë i bëj thirrje sinqerisht dhe me zell të gjitha palëve të ushtrojnë përmbajtje dhe të respektojnë armëpushimin për dy javë, siç është rënë dakord, në mënyrë që diplomacia të mund të marrë një rol udhëheqës drejt zgjidhjes paqësore të konfliktit”, shkroi ai në X.

Ndërkohë, Irani ka pranuar propozimin e Pakistanit për një armëpushim dyjavor dhe negociata paralele me SHBA-në në Islamabad, pas presionit të fortë diplomatik dhe ndërhyrjes nga Kina.

Teherani po e bazon planin e tij 10-pikësh në heqjen e sanksioneve, tërheqjen e forcave amerikane nga rajoni, kontrollin e Ngushticës së Hormuzit dhe pagesën e kompensimit, ndërkohë që e bën të qartë se procesi nuk do të thotë një fund të menjëhershëm të luftës.