Kryen vjedhje të shumta në jug të vendit: Arrestohet 67-vjeçarja, në kërkim i biri

Shërbimet e Policisë Tepelenë, në bashkëpunim me Stacionin e Policisë Memaliaj, kanë zbardhur dhe dokumentuar 6 raste vjedhjesh të kryera në Memaliaj dhe Përmet gjatë muajve maj–shtator, duke arrestuar një grua dhe duke shpallur në kërkim djalin e saj.

Në pranga ka rënë Z. U., 67 vjeçe, banues në Belsh, ndërsa djali i saj, L. U., 36 vjeç, banues gjithashtu në Belsh, është shpallur në kërkim. Sipas hetimeve, ata vepronin në orët e vona të natës, duke përdorur sende si levë dhe kaçavidë, dhe vidhnin sende me vlerë dhe para në banesa, lokale dhe objekte kulti.

Rastet e dokumentuara përfshijnë:

• 04.05.2025, Vasjar, Memaliaj – vjedhje bizhuterish floriri dhe parash në një banesë;
• 10.07.2025, Krahës – vjedhje parash në një objekt kulti;
• 07.08.2025, Sukë, Përmet – vjedhje parash në një objekt kulti;
• 23.08.2025, Petran, Përmet – vjedhje parash në një lokal;
• 04.09.2025, Memaliaj – vjedhje parash në një objekt kulti dhe një lokal.

Si prova materiale janë sekuestruar një automjet, një celular dhe sendet që përdoreshin për të kryer vjedhjet. Policia vijon punën për kapjen e 36-vjeçarit dhe hetimet për rastet e tjera të mundshme.

Materialet procedurale janë dorëzuar Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër për veprime të mëtejshme lidhur me veprën penale “Vjedhja”, e kryer në bashkëpunim.

LEXONI GJITHASHTU:

• Vjedhje në teqe dhe tyrbe, 35-vjeçari nga Cërriku arrestohet në Muriqan
• VIDEO| Kreu disa vjedhje në banesa dhe markete në Borsh, arrestohet i riu