Kryesia e Partisë Demokratike ka miratuar të enjten në mbrëmje emrat e 6 kandidatëve për zgjedhjet e pjesshme lokale të 6 marsit.

Kandidatët janë propozuar nga degët përkatëse të PD dhe janë miratuar unanimisht nga kryesia.

PD shkon në zgjedhjet e pjesshme pas bojkotimit të zgjedhjeve lokale të mbajtura në 2019.

Kandidatët fitues të këtyre zgjedhjeve do të kryejnë vetëm pjesën e mbetur të mandatit.

Zgjedhjet e ardhshme lokale pritet të mbahen qershorin e vitit të ardhshëm.

PD shkon në këto zgjedhje të pjesshme e përçarë, pasi Berisha me Komisionin e Rithemelimit të PD ka paraqitur kandidatët e tij.

Në zgjedhjet e 6 marsit marrin pjesë 11 parti politike.

Emrat e kandidatëve:

Bashkia Shkodër, Xhemal Bushati,

Bashkia Durrës: Luan Hoti

Bashkia Lushnjë: Indrit Sefa,

Bashkia Dibër: Luan Haka

Bashkia Rrogozhinë: Ferdinand Saraçi

Bashkia Vorë: Ymer Marku.

LEXONI GJITHASHTU:

• PS shpall kandidatët për zgjedhjet e pjeshme të 6 marsit
• PD e Berishës shpall pretendentët për kandidatë në 6 bashki