Kryevepra e rizbuluar e Caravaggio, piktura e miliona dollarëshe shfaqet në Madrid

Një pikturë që dikur mendohej se vlente sa çmimi i një laptopi, është verifikuar tashmë si një kryevepër miliona dollarëshe nga piktori Abarok Caravaggio dhe tani shfaqet në Prado.

‘Ecce Homo’ u pikturua nga Michelangelo Merisi da Caravaggio në shekullin e 17-të rreth viteve 1605-1609, afër vdekjes së tij në 1610.

Piktura, e cila tregon Ponc Pilatin teksa prezanton Jezusin e lidhur para masave, tani po shfaqet në muzeun e famshëm Prado të Madridit.

Piktura është një nga vetëm rreth 60 veprat që i atribuohen piktorit mjeshtër, i cili dallohet për kontrastet e veçanta mes dritës dhe errësirës .

Në fakt, “Ecce Homo” i Madridit siç i referohet këtij versioni, pothuajse u shit në ankand në 2021 me një çmim fillestar prej vetëm 1,500 €.

Ankandi u ndërpre në kohë me urdhër të qeverisë spanjolle me dyshimin se ishte në të vërtetë nga Caravaggio. Fillimisht, besohej se ishte pikturuar nga José de Ribera, një piktor spanjoll gjithashtu i shekullit të 17-të.

Piktura ishte trashëguar nga tre vëllezër e motra spanjollë që e kishin në pronësi të familjes së tyre që nga viti 1823.

Tre vjet pas ngjarjeve dramatike të ankandit, Museo del Prado ka konfirmuar se është vërtet nga Caravaggio dhe ka vërtetuar statusin e tij kryevepre.

LEXONI GJITHASHTU:

• Piktura e humbur e Gustav Klimt në ankand për 50 mln euro
• Artistët e huaj në Kolonjë, 20 piktorë sjellin natyrën dhe heronjtë shqiptarë