Kryevepra ruse në ‘La Scala’ ngjall polemika në Itali, Opera mbron vendimin

Shtëpia italiane e operës, “La Scala”, mbrojti vendimin e saj për të inskenuar operën ruse “Boris Godunov” për hapjen e sezonit të ri të shfaqjeve.

Institucioni kulturor me seli në Milano refuzoi protestat e zyrtarëve ukrainas në Itali, që insistonin se promovimi i kulturës ruse gjatë pushtimit të Ukrainës po dërgonte mesazhin e gabuar.

“Është një vendim që e kemi marrë 3 vjet më parë. Është e pamundur të anulojmë një projekt të tillë. Përse duhet ta bëjmë këtë? Me “Boris Godunov” ne nuk po bëjmë propagandë për Putin. Ne duhet të shohim diferencën mes situatës aktuale politike dhe Rusisë. Kjo është një kryevepër në historinë e artit”, tha Dominique Meyer, menaxher i përgjithshëm i “La Scala”.

Drejtuesit e teatrit prestigjioz kujtuan se si “La Scala” ishte i pari institucion kulturor që anuloi bashkëpunimin me dirigjentin rus Vlaery Gergiev, pasi ky i fundit refuzoi të dënonte luftën në Ukrainë.

LEXONI GJITHASHTU:

• Akullthyeset bërthamore ruse, Putin: Rëndësi strategjike për Arktikun
• ‘Spiunët’ mbeten në burg/ Gjykata e lartë rrëzon rekursin e dy rusëve dhe ukrainasit