“Kthyem 1800 emigrantë në Shqipëri”, Sunak: Plani po funksionon

1800 emigrantë shqiptarë që kishin hyrë në Britaninë e madhe në mënyrë të paligjshme janë kthyer në vendin e tyre Brenda 6 muajve.

Kjo shifër bëhet e ditur nga kryeministri i Britanisë së Madhe Rishi Sunak, i cili gjatë një deklarate ka bërë me dije se plani i tij për largimin e emigrantëve të paligjshëm po funksiononte.

Ai tha se përpara nisjes së planit të tij në dhjetor, numri i hyrjeve të paligjshme në Mbretërinë e Bashkuar me varka të vogla ishte katërfishuar në dy vjet, ndërsa sot 5 muaj pas implemtimit të planit të tij kalimet janë ulur 20 për qind krahasuar me vitin e kaluar.

 “Në dhjetor arrita një marrëveshje me Shqipërinë, sepse vitin e kaluar gati një e treta e të gjithë atyre që mbërritën me varka të vogla ishin nga ai vend i sigurt evropian. Tani kemi kthyer 1800 në Shqipëri në vetëm gjashtë muaj,” – u shpreh Sunak.

Ai bëri me dije se tashmë janë blerë dy kontejnerë të mëdhenj që do të shërbejnë për të strehuar deri në 1 mijë emigrantë.

Kontejneri i parë që do të mbajë azilkërkuesit do të ankorohet në Portland Port këtë muaj dhe do të strehojë 500 burra të rritur që kërkojnë azil në Mbreterinë e Bashkuar.

Sunak tha se këto maune “do të lehtësojnë presionin mbi komunitetet lokale” dhe hapësirat në hotele që përdoren për të strehuar emigrantët.

LEXONI GJITHASHTU:

• I quajti emigrantët shqiptarë kriminelë, Dua Lipa i përgjigjet Sekretares britanike
• Tunizi/Fundosen 2 anije me emigrantë të paligjshëm, gjendet trupi i një vogëlusheje