Kuba: Plani i Donald Trumpit për dëbim masiv të imigrantëve është joreal

Propozimi i presidentit të zgjedhur amerikan, Donald Trump, për t’i dëbuar në masë të madhe imigrantët që jetojnë jashtëligjshëm në Shtetet e Bashkuara, në mesin e të cilëve mund të ketë edhe kubanë, është joreal dhe i padrejtë, tha zëvendësministri i Jashtëm i Kubës, Carlos Fernandez de Cossio.

Trumpi është zotuar se do ta luftojë imigracionin, duke e dëbuar një numër rekord imigrantësh. Nënpresidenti i zgjedhur amerikan, JD Vance, ka vlerësuar se deri në 1 milion njerëz mund të dëbohen në vit.

De Cossio i bëri këto komente të mërkurën pas një bisede rreth emigracionit me homologët nga administrata e presidentit amerikan Joe Biden në Havanë.

Çdo propozim i tillë për dëbim duhet të shqyrtohet brenda kufijve të marrëveshjeve ekzistuese për emigracionin midis Shteteve të Bashkuara dhe Kubës, tha ai për gazetarët.

LEXONI GJITHASHTU:

• Kuba kufizon përdorimin e parave “kesh”, inkurajon pagesat elektronike
• U vendosën 90 milje pranë SHBA, anijet e marinës ruse largohen nga Kuba