Kujdes virozat/ Epidemiologu: Zgjat deri në 4 javë, predominon kolla pa temperaturë

Afro 12 mijë pacientë të moshave të ndryshme janë drejtuar në dyert e mjekëve përgjatë javës së fundit me simptoma të ngjashme me grip.

Epidemiologu Ilir Alimehmeti, thotë se kjo është normale për stinën e dimrit dhe muajin janar i cili shënon dhe kulmin e infektimeve. Por çfarë mendohet se ka në qarkullim?

“Është stina klasike e virozave respirtore, pot ë mbani mend sot një vit kishim 3 lloj viruse, përvec Sars Cov 2 kishim grip dhe RSV, nuk ka asnjë dyshim që këto qarkullojnë sërish por me një problematikë shumë më të ulët.”-tha ai.

Ajo që shumica e pacientëve ankohen është lodhja dhe kolla për një kohë të gjatë, por pavarësisht kësaj për ekspertët kjo nuk është shqetësuese.

“Vitin e kaluar gripi ka qenë më i fortë me temperaturë  38-40 që nuk binte deri në 3 ditë po të shikoni këtë virozë që qarkullon tani, do vini re që s’ka temperaturë por ka një kollë që zgjat shumë në kohë, 3 deri 4 javë e me radhë”-tha Alimehmeti.

Apeli është për të mos e tepruar me medikamente, e veçanërisht antibiotikë që nuk janë aspak të nevojshëm.

“Për secilën prej këtyre trajtimi është mbështetës, trupi e kalon vetë ne e mbështesim me pushim qëndrim ngrohtë dhe ushqim, por ka raste që duan ndihmë mjekësore por kryesisht kalojnë vetë”-tha ai.

Ajo çfarë i qetëson ekspertët është numri i ulët i shtrimeve në spital, krahasuar me të njëjtën periudhë të vitit të shkuar. Referuar situatave të ngjashme, pritet që fundi i muajit janar të regjistrojë kulmin dhe më pas kurba e infektimeve të filloj të bien në muajin shkurt.

LEXONI GJITHASHTU: 

• U vetëvra pas bullizimit në TikTok, dëshmia e pronarit të fabrikës ku gruaja punonte
• QSUT, 300 urgjenca në 24 orë, mjekët: Kemi pasur fluks pas festave, shkak alkooli