Kukës/ 2 vëllezër në kërkim, plagosën me armë kushëririn

2 vëllezër janë konfliktuar me kushëririn e tyre për çështje pronësie në Kukës dhe e kanë plagosur me armë zjarri në këmbë.

Policia ka shpallur në kërkim autorët e krimit, ndërsa 46-vjeçari është jashtë rrezikut për jetën.

Njoftimi i policisë:

Në fshatin Shtiqen, dyshohet se pas një konflikti për motive pronësie, shtetasit Xh. M. dhe A. M. (vëllezër) kanë plagosur me armë zjarri, në këmbë, kushëririn e tyre, shtetasin G. M., 46 vjeç, i cili ndodhet jashtë rrezikut për jetën.

Shërbimet e Policisë janë vënë në ndjekje të autorëve dhe vijojnë kontrollet në zonë dhe në ambiente të ndryshme, për të bërë të mundur kapjen e tyre.

Grupi hetimor ndodhet në vendngjarje në drejtimin e Prokurorisë po punon për zbardhjen e plotë të rrethanave kësaj ngjarjeje.

LEXONI GJITHASHTU:

• Lirohet nga detyra prefekti i Kukësit, ja kush e zëvendëson
• Asgjësohen 894 bimë kanabis në Kukës, procedohen penalisht 2 kryetarët e fshatrave