Kuleba: Ukraina mund ta mposhtë Rusinë, por na duhen më shumë armë

Suksesi i një kundërofensive kundër Rusisë tregon se Ukraina mund të mposhtë forcat e Moskës, por Kievit i duhen më shumë armë nga partnerët e tij.

Kështu deklaroi ministri i Jashtëm ukrainas, Dmytro Kuleba, shkruan Reuters.

Kuleba, duke folur në një konferencë për shtyp me homologen e tij gjermane, Annalena Baerbock, tha se disa aleatë fillimisht kishin hezituar të dërgonin armë, duke përmendur rrezikun e antagonizimit të Presidentit rus, Vladimir Putin.

“Tani, ne nuk po e dëgjojmë më këtë argument, ne kemi treguar se jemi të aftë të mposhtim ushtrinë ruse. Ne po e bëjmë këtë me armët që na janë dhënë,” tha ai.

Forcat ruse janë tërhequr nga qytetet kyçe lindore të Ukrainës, pas një kundërofensive të suksesshme të ushtrisë ukrainase.

Zyrtarët ukrainas bënë të ditur se trupat e tyre hynë në Kupiansk, një qendër jetike e furnizimit për forcat ruse.

Ministria ruse e mbrojtjes tha më pas se trupat e saj janë tërhequr nga qyteti i Izyum për t’i lejuar ata “të rigrupohen”.

LEXONI GJITHASHTU

• Tërhiqen forcat ruse, Ukraina merr qytetet kryesore në lindje

• Vazhdon beteja në Kharkiv, Kievi pretendon se ka rimarrë disa territore

• Kush është ‘truri i Putinit’, cili është këndvështrimi i tij për luftën në Ukrainë?