Kulla tjetër e Italisë që po përkulet si ajo e Pizës, struktura 47 metra e lartë

Një kullë mesjetare në qytetin e Bolonjës në Itali, e cila përkulet përpara njësoj si simotra në Piza, është izoluar nga autoritetet nga frika se mund të shembet.

Autoritetet kanë nisur ndërtimin e një barriere të lartë 5 metra përreth kullës Garizenda, e cila daton që në shekullin e 12-të, për të frenuar pjesët e saj në rast se rrëzohet.

Kulla është e gjatë 47 metra, ka një bazë katërkëndore dhe monitorimet kanë konstatuar se ajo po lëviz në drejtimin e animit.

Këshilli bashkiak i qytetit ka deklaruar se situata është tej mase kritike. Garizenda është një nga dy kullat që dominojnë horizontin e Bolonjës.

Kulla tjetër, Azineli, është edhe më e lartë dhe po ashtu përkulet, por jo aq dramatikisht dhe është e hapur për turistët.

Strukturat u ndërtuan mes viteve 1 mijë e 109 dhe 1 mijë e 119, edhe pse lartësia e Garizendës u reduktua në shekullin e katërmbëdhjetë, për shkak se kishte nisur të përkulej.

Objekti në fjalë përmendet edhe në poemën e Dante Aligerit, “Komedia Hyjnore”, që përfundoi në vitin 1 mijë e 321.

LEXONI GJITHASHTU:

• 850-vjetori i Kullës së Pizës, pse monumenti historik u ndërtua i pjerrët
• “Isleworth Mona Lisa”, kryevepër apo mashtrim? Mona Lisa e dytë shfaqet në Itali