Kultivonte lëndë narkotike me vëllanë në Kukës, arrestohet 50-vjeçari

Dy persona janë arrestuar ndërsa vijon operacioni policor “Kroi”. L.M., 50 vjeç u arrestua pasi muajin qeshor 2024, në bashkëpunim me vëllanë e tij, shtetasin N. M., i arrestuar në muajin mars 2025, ka kultivuar bimë narkotike në vendin e quajtur “Kroi i Bardhë”.

Njoftimi i policisë:

Si rezultat i hetimeve të thelluara, identifikohet dhe vihet në pranga autori tjetër i dyshuar për kultivim të bimëve narkotike në fshatin Tejdrinë.

Si rezultat i hetimeve të thelluara dhe i kontrolleve të kryera në bazë të informacioneve të siguruara nga inteligjenca policore, Komisariati i Policisë Kukës, në vijim të operacionit policor “Kroi”, vuri në pranga shtetasin L. M., 50 vjeç, banues në fshatin Tejdrinë.

Ky shtetas ishte shpallur në kërkim pasi Gjykata e Kukësit i ka caktuar masën e sigurisë “Arrest në burg”, për veprën penale “Kultivimi i bimëve narkotike”, kryer në bashkëpunim.

Ai akuzohet se në muajin qeshor 2024, në bashkëpunim me vëllanë e tij, shtetasin N. M. (i arrestuar në muajin mars 2025), ka kultivuar bimë narkotike në vendin e quajtur “Kroi i Bardhë”.

Materialet procedurale i kaluan Prokurorisë së Kukësit, për veprime të mëtejshme.

LEXONI GJITHASHTU:

• Mbyllet ujësjellësi në Mitrovicën e Veriut, Lista Serbe i shkruan ndërkombëtarëve
• Erdogan përshëndet shpërbërjen e PKK-së kurde si hap drejt “paqes dhe vëllazërisë”