Kur do të arrihet marrëveshja Kosovë-Serbi? Flet ish-ambasadori, Gëzim Kasapolli

Ish-ambadasori i Kosovës në Kroaci, Gëzim Kasapolli deklaroi se marrëveshja mes Kosovës dhe Serbisë duhet të arrihet sa më shpejt, pasi Beogradi e ka humbur fuqinë e aleatit së saj, Rusisë, për shkak të luftës në Ukrainë.

Në emisionin “Balkan Talks” në Euronews Albania, Kasapolli u shpreh se të gjithë aktorët politikë të Kosovë, duhet të insistojnë për një marrëveshje përfundimtare.

“Unë besoj se bashkësia ndërkombëtare tashmë e ka të qartë, ndryshimi i pozicionit të gjeopolitikës, fakti që Serbia ka humbur fuqinë e aleatit të saj, Rusisë tregon që bashkësia ndërkombëtare ka filluar të mendojë dhe të besojë se tashmë është koha më e mirë për një zgjidhje. Dua të trumpetoj për një kujdes të veçantë.

Ne, në këtë moment jemi mëse të prirur që të besojmë që zgjidhja e çështjes së Kosovës duhet të bëhet tani dhe të mos shtyhet për një afat tjetër kohor”, theksoi ai.

• Kurti: Nuk jam ftuar në takimin e Ambasadës së SHBA-ve për Asociacionin
• “Kërkojnë Asociacion një-etnik’, Kurti flet pas darkës me zyrtarin e BE, Lajçak
• Kurti pranon asosacionin? Lajçak: Asnjë model që s’ka funksionuar, nuk do aplikohet