Kurti dhe Vuçiç takohen në Bruksel më 27 shkurt

Më 27 shkurt do të zhvillohet takimi në nivel të lartë mes kryeministrit të Kosovës, Albin Kurti, dhe presidentit të Serbisë, Aleksandër Vuçiç.

Kjo mbledhje u thirr nga përfaqësuesi i lartë i BE-së për politikë të jashtme dhe siguri, Joseph Borrell.

“Pjesëmarrjen e kanë konfirmuar presidenti i Serbisë, Aleksandër Vuçiç dhe kryeministri i Kosovës, Albin Kurti”, thuhet në komunikatën e Bashkimit Evropian.

BE-ja tha se në këtë takim, temë e diskutimit do të jetë propozimi evropian për normalizimin e plotë të raporteve mes Kosovës dhe Serbisë.

Fillimisht Borrell dhe i dërguari i BE-së për dialogun Kosovë-Serbi, Miroslav Lajçak, do të takohen me liderët, dhe më pas do të ketë një takim të përbashkët.

Kurti dhe Vuçiç nuk kanë zhvilluar takim në kuadër të dialogut të Brukselit që nga nëntori i vitit 2022.

LEXONI GJITHASHTU:

• “Sovraniteti i Kosovës nuk preket”| Presidenti Begaj takon Osmanin dhe Kurtin
• Deklarata e fortë e Zekës: Dyshime që VV vrau aktivistin, si e përdori Albin Kurti