Kryeministri i Kosovës, Albin Kurti dhe presidenti i Serbisë, Aleksandër Vuçiç kanë nisur sot takimin në Bruksel me shpresën për të gjetur një zgjidhje për çështjen e targave.
Fillimisht, ata do të zhvillojnë takime të ndara me Borrell dhe më pas pritet takimi i përbashkët.
Borrell tha mbrëmë se e ka thirrur këtë “takim urgjent” për shkak të nevojës për të shtensionuar situatën.
“T’i japim fund menaxhimit të krizave të vazhdueshme dhe në vend të kësaj të fillojmë të përparojmë drejt normalizimit të marrëdhënieve”, shkroi shefi për politikën e jashtme dhe sigurinë Borell në Twitter.
Që nga vendimi i qeverisë për riregjistrimin e makinave me targa serbe në ato të Kosovës në fund të qershorit, situata në veri është e tensionuar.
Takimi i sotëm në Bruksel është thirrur një ditë para nisjes së zbatimit të fazës së dytë, vendosjes së gjobave prej 150 eurosh për shoferët me targa ilegale.
LEXONI GJITHASHTU
