Kurti: Duam normalizim të marrëdhënieve me Serbinë

Kryeministri i Kosovës, Albin Kurti ka thënë se Kosova dëshiron normalizim të marrëdhënieve me Serbinë por kjo e fundit sipas tij është gjithnjë e më larg normales.

Kurti ka thënë se Serbia e ka refuzuar planin e njohur si franko gjerman dhe sipas tij të gjithë do të duhej të merren me të meqë qeveria e Kosovës e ka konsideruar si bazë të mirë për diskutim.

Një ditë para se në Kosovë të arrijë këshilltari i lartë i Departamentit Amerikan të Shtetit, Derek Chollet, kryeministri i Kosovës ka thënë se vizita e tij është më shumë se e mirëpritur dhe sipas tij vjen në një moment të rëndësishëm kur po afrohet njëvjetori i invazionit rus në Ukrainë.

Kurti ka thënë se agresioni ushtarak atje ka pasur pasoja edhe në rajonin e Ballkanit Perëndimor, duke përmendur këtu Serbinë e cila nuk i ka vendosur sanksione Rusisë por ka bërë marrëveshje me ta.

LEXONI GJITHASHTU:

• Erdogan: Po vazhdojmë përpjekjet për të zbutur tensionet mes Kosovës dhe Serbisë
• Lajçak e Escobar me Geoana për gjetjen e një zgjidhjeje midis Kosovës e Serbisë