Erdogan: Po vazhdojmë përpjekjet për të zbutur tensionet mes Kosovës dhe Serbisë

Presidenti turk, Rexhep Tajip Erdogan deklaroi se Turqia vazhdon përpjekjet e saj për të zbutur tensionet mes Kosovës dhe Serbisë.

Erdogan, pas seancës së qeverisë turke në Ankara, tha gjithashtu se vendi i tij vazhdon përpjekjet për të zgjidhur ngërçin politik në Bosnje dhe Hercegovinë, shkruan Euronews Serbia.

“Ne vazhduam përpjekjet tona për të zgjidhur ngërçin politik në Bosnjë dhe Hercegovinë dhe për të lehtësuar tensionin në marrëdhëniet ndërmjet Kosovës dhe Serbisë”, theksoi ai.

Ditën e djeshme, zëvendës Sekretari i Përgjithshëm i NATO-s, Mircea Geoana ka pritur në selinë e aleancës ushtarake, zëvendës ndihmës sekretarin e SHBA-së, Gabriel Escobar dhe përfaqësuesin special të BE-së për dialogun Beograd-Prishtinë dhe çështje të tjera rajonale të Ballkanit Perëndimor, Miroslav Lajçak.

Pas këtij takimi, detaje ka dhënë vetë NATO, duke thënë se takimi i tyre ishte pjesë e konsultimeve të rregullta për situatën në Kosovë dhe zhvillimet në rajonin e gjerë të Ballkanit Perëndimor.

Geoana theksoi përpjekjet intensive të kryera nga aleatët e NATO-s dhe Bashkimi Evropian për të zbutur tensionet e fundit, veçanërisht në veri të Kosovës.

LEXONI GJITHASHTU

• DASH kritikon deklaratën e Aleksandër Vuçiçit ndaj Edward Joseph-it
• “Ballkani fuçi baruti”, a mund të ketë konflikt? Qëndrimi i analistit amerikan
• Mediu: Serbia faktor në Ballkan për shkak të raporteve që ka me Rusinë dhe Kinën