Mediu: Serbia faktor në Ballkan për shkak të raporteve që ka me Rusinë dhe Kinën

Kryetari i Partisë Republikane, Fatmir Mediu thotë se Serbia është një faktor politik në Ballkan, për shkak të raporteve që ka me Rusinë dhe Kinën.

Në një intervistë për Euronews Albania, Mediu u shpreh se Shtetet e Bashkuara të Amerikës dhe vetë Bashkimi Evropian, janë të interesuar që të mos krijojnë konflikt me Serbinë.

“Unë mendoj që sot Serbia është një faktor shumë relevant politik në rajonin e Ballkanit, për faktin e thjeshtë se ka një raport të qartë me Rusinë dhe Kinën. Shtetet e Bashkuara të Amerikës dhe vetë Bashkimi Evropian, janë të interesuar që të mos krijojnë konflikt me Serbinë.

Madje duan ta tërheqin atë në raporte më të ngushta me NATO-n, me Bashkimin Evropian apo edhe me Shtetet e Bashkuara të Amerikës. Ka një vëmendje shumë të madhe të Shteteve të Bashkuara të Amerikës për atë se çfarë ndodh në Beograd”, theksoi ai.

LEXONI GJITHASHTU

• Fatmir Mediu: Në disa raste, Rama është shprehur kundër interesave të Kosovës
• Tensionet në Kosovë, Mediu: Të trajtohet me seriozitet, Shqipëria po qëndron pasive
• Kurti: Serbët në barrikada po imitojnë ish-gjeneralin Drazha Mihailoviç