Fatmir Mediu: Në disa raste, Rama është shprehur kundër interesave të Kosovës

Kryetari i Partisë Republikane, Fatmir Mediu deklaroi se Shqipëria e ka ngritur zërin e saj për luftën në Ukrainë dhe çështje të tjera globale, por diçka të tillë nuk po e bën për shqiptarët në Kosovë dhe situatën në Veri.

Në një intervistë për Euronews Albania, Mediu u shpreh se në disa raste, kryeministri Edi Rama është shprehur kundër interesave të Kosovës.

Sipas tij, duhet mbledhur Këshilli i Sigurisë Kombëtare.

“Po ta shikoni, Shqipëria flet fort me zë të fortë për Ukrainën, flet fort për çdo çështje globale, por për fatin e keq nuk flet për shqiptarët që ndodhen në Kosovë. Madje, mos të them që ndonjëherë ka bërë të kundërtën, me politikat e veta ka stimiluar marrëdhënet me kundërshtarin dhe ka nënvlerësuar autoritetin dhe rolin e Kosovës, apo institucionet që kanë bërë dialogun për Kosovën.

Pra, duket një politikë e cila duket në drejtim të kundërt me atë që duhet të ndodhë. Është spontane, është personale dhe unë mendoj se Këshilli i Sigurisë Kombëtare ka detyrën për ta bërë atë institucionale”, theksoi ai.

LEXONI GJITHASHTU

• Tensionet në Kosovë, Mediu: Të trajtohet me seriozitet, Shqipëria po qëndron pasive
• Kurti: Serbët në barrikada po imitojnë ish-gjeneralin Drazha Mihailoviç
• Mbyllet qarkullimi në Merdarë, serbët bllokojnë pikën kufitare