Tensionet në Kosovë, Mediu: Të trajtohet me seriozitet, Shqipëria po qëndron pasive

Kryetari i Partisë Republikane, Fatmir Mediu e cilëson jashtëzakonisht të rëndë situatën në veri të Kosovës.

Në një intervistë për Euronews Albania, Mediu u shpreh se Shqipëria po qëndron pasive, teksa e cilësoi deklaratën e ministres së Jashtme, Olta Xhaçka si të pakuptimtë, pasi tha se barrikadat janë vendoru nga grupet kriminale serbe.

Sipas Mediut, pas kësaj qëndron presidenti i Serbisë, Aleksandër Vuçiç dhe Rusia.

“Situata është jashtëzakonisht e rëndë, është një situatë e cila krijon premisa për konflikte dhe kërkon një trajtim me seriozitet nga të gjithë aktorët institucionalë, si në Kosovë, edhe në Shqipëri. Është për të ardhur keq ky qëndrim i Shqipërisë, një lloj pasiviteti total.

Edhe deklarata e djeshme e ministres së Jashtme, është një deklaratë e pakuptimtë, duke e cilësuar si organizime kriminale ato që po ndodhin në veriun e Kosovës, ndërkohë që ka një prapavijë politike të stimuluar nga Beogradi të mbështetur nga presidenti Vuçiç, nga një agjendë të përcaktuar për të influencuar vendimarrjen në favor të serbëve në Kosovë, të shtyra nga rryma gjeopolitike shqiptare, si Rusia”, theksoi ai.

LEXONI GJITHASHTU

• Kurti: Serbët në barrikada po imitojnë ish-gjeneralin Drazha Mihailoviç
• Mbyllet qarkullimi në Merdarë, serbët bllokojnë pikën kufitare
• Pse Kurti dhe Vuçiç nuk e duan marrëveshjen finale? Flet ish-ministri Çollaku