“Ballkani fuçi baruti”, a mund të ketë konflikt? Qëndrimi i analistit amerikan

Analisti amerikan Edward Joseph dha një intervistë në Euronews Albania ku komentoi qëndrimin e tij mbi Ballkanin, që është cilësuar dhe si një fuçi baruti.

Sipas tij situata në Ballkan është shumë e qartë dhe është e paqëndrueshme.

“Është e paqëndrueshme në veri të Kosovës dhe është normale që mund të ketë akte dhune atje. Ne i pame aktet e rrezikshme të dhunës që u verifikuan ku pati të shtëna ndaj serbëve të Kosovës,” – u shpreh Joseph.

Analisti u shpreh se është detyrë e qeverisë së Kosovës ta ndjekë këtë çështje dhe të ndëshkojë përgjegjësit.

Joseph komentoi dhe situatën në Bosnje ku u dekorua presidenti Putin, duke shtuar këtu edhe tensionet në Malin e Zi.

“Në Tiranë gabimi është ndjekja e alternativave të tjera përveç Bashkimit Europian. Bashkëpunimi ekonomik duhet të kryhet në kuadër të kornizave të BE-së dhe jo në kuadër të Ballkanit të Hapur,” – u shpreh analisti amerikan.

LEXONI GJITHASHTU:

• Mediu: Serbia faktor në Ballkan për shkak të raporteve që ka me Rusinë dhe Kinën
• Alma Çupi: Ballkanasit nuk e duan vetminë, kanë presionin e martesës