Kurti kërkon të zëvendësojë ekzistencën e Serbisë në Kosovë, thotë Petkoviç

Albin Kurtit nuk i intereson reciprociteti, por kërkon të zëvendësojë ekzistncën e Serbisë në Kosovë.

Kështu deklaroi të shtunën Drejtori i Zyrës për Kosovën në Qeverinë e Serbisë, Petar Petkoviç.

Sipas Petkoviç, Kurtit nuk i intereson reciprociteti për targat dhe letërnjoftimet, shkruan Euronews Serbia.

“Kurti nuk është i interesuar për marrëveshjen, as dokumentet hyrëse-dalëse, ai është i interesuar për heqjen e letërnjoftimeve serbe të serbëve që banojnë në Kosovë dhe Metohi, sepse ai dëshiron të zëvendësojë ekzistencën e shtetit të Serbisë në territorin e Kosovës dhe Metohisë”, theksoi ai.

Nga data 1 gusht deri më 30 shtator 2022, në Kosovë do të fillojë organizimi i procesit për regjistrimin e targave ilegale në ato “RKS”, në të gjitha Qendrat për Regjistrimin e Automjeteve.

Gjithashtu, nga e hëna, shtetasit e Serbisë që do të hyjnë në Kosovë, do të pajisen me një ‘dokument hyrje/dalje’.

Kosova brenda territorit të saj i bën të pavlefshme dokumentet e lëshuara nga autoritetet serbe, si masë reciprocitetit ndaj shtetit që nuk i njeh dokumentet identifikuese të lëshuara nga Kosova.

LEXONI GJITHASHTU

• Të hënën nis reciprociteti, qytetarët informohen për pajisjen me targa “RKS”
• Petar Petkoviç: Po nisim formimin e Asociacionit