“Kurti nuk u prek me dorë fare”! Deputetja e PDK: Nuk kishim qëllim për dhunë

Në kundërshtimin të veprimeve të fundit të Qeverisë, një grup qytetarësh ka thirrur protestë për të shtunën në Prishtinë.

Në një njoftim, i cili po shpërndahet me të madhe në rrjete sociale, thuhet se kjo protestë është kundër koordinimit të Qeverisë me Milan Radojçiçin, të dyshuarin për krime të ndryshme në Kosovë.

Ganimete Musliu, deputete e PDK komentoi në një intervistë për Euronews Albania incidentin e ndodhur një ditë më parë në Kuvendin e Kosovës që përfundoi në përleshje masive.

Ajo tha se aksionit politik i PDK në seancën e një dite më parë nuk kishte për qëllim dhunën por sensibilizimin.

“Mërgim Lushtaku vjen nga Prekazi dhe ka dhënë shumë për lirinë e këtij vendi. Është një djalë shumë i kujdesshëm, i matur, por as ai nuk lejon të grushtohet nga një zv.kryeministër. Ai është mbrojtur në atë moment. Është kursyer se sikur ta kishte përdorur potencialin e tij, Besnik Bislimi ndoshta nuk do të ishte sot aty por në ndonjë klinikë shëndetësore. Kjo tregon se ne në asnjë rrethanë nuk kemi shkuar të sulmojmë askënd. Vetë fakti që Kurti ka qenë në mes të turmës dhe s’e ka prekur askush me dorë tregon se ne nuk kemi pasur synim të godasim askënd”, tha Musliu.

LEXONI GJITHASHTU:

• Nurellari sulmon Albin Kurtin: Si u motivua dhuna në Kuvend
• Spahiu: Albin Kurti u tërhoq pas përgjimeve që koordinohej me listën e zezë serbe