Kurti prezanton programin qeveritar: Do investojmë 1 miliard euro në mbrojtje

Gjatë prezantimit të programit të tij qeverisës, Albin Kurti tha se ai planifikon të shpenzojë 1 milard euro në mbrojtje gjatë mandatit të tij të ardhshëm, pasi “bota sot është më e paparashikueshme dhe më e pasigurt që nga fundi i luftës së dytë botërore”.

Ai shtoi se investimet në mbrojtje do të bëhen përkrah angazhimit në aleancat me SHBA-në, BE-në e NATO-n.

Ai tha se gjatë mandatit të ardhshëm, “do të zhvillojmë industrinë ushtarake të Kosovës, do të shtojmë numrin e ushtarëve e oficerëve” si dhe do të bëhet fabrika e municioneve dhe dronëve në Kosovë.

Kurti u zotua se nëse e fiton edhe një mandat të ri në pushtet, ai do t’i qaset dialogut me Serbinë – të ndërmjetësuar nga Bashkimi Evropian – në përputhje me një marrëveshje për normalizim marrëdhëniesh të arritur në Bruksel dhe aneksin e zbatimit, për të cilën palët janë pajtuar në Ohër të Maqedonisë së Veriut.

“Normalizimi është çështje e rregullimit të marrëdhënieve mes dy shteteve, si raport bilateral i jashtëm, e kurrsesi ndërhyrje apo përzierje në çështjet e brendshme”, ka thënë Kurti.

LEXONI GJITHASHTU:

• Kurti, thirrje deputetëve: Votojeni qeverinë Kurti 3 për të vijuar qeverisjen e mirë
• Seanca për votimin e qeverisë së re, Kurti sulmon Kushtetuesen: E pritëm 5 muaj…