Kurti takon komandantin e KFOR-it: Nuk duhet të ketë barrikada në asnjë rrugë

Kryeministri i Kosovës, Albin Kurti, priti në takim komandantin e Forcave paqeruajtëse të NATO-s në Kosovë (KFOR), Gjeneral Major Angelo Michele Ristuccia dhe shefin e EULEX-it, z. Lars Gunnar Wigemark.

Në takimin e përbashkët me zëvendëskryeministrin Besnik Bislimi dhe Ministrin e Punëve të Brendshme, Xhelal Sveçla, u bisedua për bashkëpunimin e afërt ndërmjet Qeverisë së Republikës së Kosovës, Forcave paqeruajtëse të NATO-s në Kosovë (KFOR) dhe misionit EULEX, përbrenda mandateve që kanë.

U fol edhe lidhur me veprimet e strukturave kriminale në veri të Republikës së Kosovës, që cenojnë rëndë sigurinë në vend, thuhet në njoftimin e qeverisë së Kosovës.

Në takim u theksua nga të tria palët nevoja e rivendosjes së lëvizjes së lirë dhe heqja e të gjitha barrikadave në Veri.

LEXONI GJITHASHTU:

• Diplomati gjerman reagon ndaj kryeministres serbe për Veriun
• Shpërthen një sasi eksplozivi në veri të Mitrovicës