Kurti thirrje qytetarëve të votojnë: Merrni pjesë në zgjidhjen e problemeve tuaja

Kryeministri në detyrë i Kosovë dhe kreu i Lëvizjes Vetëvendosje Albin Kurti ka votuar rreth orës 09:15 në qendrën e votimit  të improvizuar në fakultetin juridik në Prishtinë

Në një deklaratë për mediat jashtë ambienteve të qendrës së votimit, Kurti iu bëri thirrje të gjithë qytetarëve të republikës së Kosovës të bëhen kontributorë në përmirësim e shërbimeve që kanë të bëjnë me jetën e tyre të përditshme në çdo lagje e komunë.

“Sot votojmë për të vendosur për 4 vitet e ardhshme për çerdhet, kopshtet, ujin, shëndetin, shërbimet dhe infrastrukturën në lagjet e qyteteve dhe fshatrave. Veç qytetarë të republikës së Kosovës, ne jemi edhe banorë të komunës, ndaj ftoj gjithë qytetarët të shfrytëzojnë të drejtë të marrin pjesë në zgjidhjen e problemeve të tyre”, tha Kurti.

Kurti dha mesazhin e tij edhe në gjuhën serbe dhe atë angleze.

LEXONI GJITHASHTU:

• Transparenca në fokus, si do të shpallen rezultatet e zgjedhjeve lokale në Kosovë
• Zgjedhjet lokale në Kosovë, 206 kandidatë për 38 komuna