Kryeministri Albin Kurti ka treguar në Kuvend rrethanat në të cilat do të zbatohej asociacioni i komunave me shumicë serbe, shkruan KlanKosova.

Këto janë pikat që përmendi kryeministri i Kosovës:

• Asociacioni të bëhet në përputhje me Kushtetutën dhe ligjet në fuqi.
• Asociacioni nuk mund të jetë monoetnik, duhet të ndërrojë emrin, nuk mund të ketë asnjë pushtet publik apo ekzekutiv, duhet t’i shërbejë vetëm bashkëpunimit horizontal të komunave, sipas kushtetutës
• Të drejtat e pakicave kombëtare duhet ta ngërthejnë parimin e reciprocitetit ndërmjet dy shteteve si dhe të marrin parasysh standardet dhe modelet evropiane.
• Para vendosjes së asociacionit, strukturat ilegale në veri të shuhen dhe bëhet dorëzimi i të gjitha armëve ilegale.
• Asociacioni është pjesë e marrëveshjes finale dhe zbatohet pas njohjes reciproke dhe vetëm pasi Serbia t’i ketë pranuar parimet e kartës së OKB-së në raportet e saj ndërshtetërore me Kosovën.
• Presidenti i Serbisë i tërheq letrat e dërguara në pesë shtetet e BE-se për mospranimin e aplikimit të Kosovës në BE.

LEXONI GJITHASHTU:

• Kurti i përgjigjet SHBA-BE: Nuk shantazhohemi dhe as s’kemi frikë
• Kurti për zgjedhjet: Serbia nuk mund të vendosë për Kosovën