Kurti uron Krishtlindjet: Mirësia e zotit t’ju përcillet gjithmonë, dashuria t’ju shtohet përherë

Këtë të enjte, Kryeministri në detyrë, Albin Kurti, ka uruar besimtarët katolikë për festën e Krishtlindjes.

Në një posti në rrjetin social Facebook, Kurti ka shkruar se kjo ditë është një ditë mirënjohje, besim dhe shpresë. Sakaq, ai ka uruar që mirësia e Zotit të përcillet gjithmonë dhe dashuria për tjerët të shtohet përherë.

“Krishtlindja është kremtim dhe reflektim, urim dhe mirënjohje, besim dhe shpresë.

Të dashur besimtarë të krishterë, urime këtë datë të shënuar dhe paçi një ditë të gëzuar e të begatë me më të dashurit tuaj.

Uroj që mirësia e Zotit t’ju përcjellë gjithmonë dhe dashuria për tjetrin t’ju shtohet përherë”, ka shkruar Kurti.