Pas gati dy muajsh pushtim, rusët pretendojnë se i gjithë territori është nën kontrollin e tyre.
Por, SHBA këmbëngul e janë ende forcat ukrainase të cilat po kontrollojnë Azovstal.
Në fjalimin e radhës, presidenti Zelenski raportoi se Kremlini nuk ka rënë dakord me propozimin e tij për një armëpushim në lindje të vendit.
“Fatkeqësisht, Rusia e hodhi poshtë ofertën për të vendosur një armëpushim të Pashkëve. Kjo tregon shumë mirë se si liderët e këtij shteti lidhen në të vërtetë me besimin e krishterë, me një nga festat më të gëzueshme dhe më të rëndësishme. Por ne shpresojmë. Shpresojmë për paqe, shpresojmë se jeta do ta mposhtë vdekjen” u shpreh Zelenski.
Ai bëri thirrje për ndihmë ndërkombëtare, duke kërkuar 6.5 miliardë euro në muaj, për të mbajtur gjallë ekonominë e vendit. Në lindje, përparimet ruse po përparojnë.
Kievi konfirmoi se dhjetëra qyteza në lindje kanë rënë. Në frontin verior, Kharkiv vazhdon të vuajë nga bombardimet e artilerisë ruse. Të paktën dy persona u vranë dhe 5 u plagosën në pjesën lindore të qytetit.
LEXONI GJITHASHTU:
- Zelenksi e quan operacion terrorist rrethimin e Mariupolit, reagimi i Putin
- Putin pretendon fitoren e ushtrisë ruse në Mariupol
- Putin heq dorë nga ndërhyrja në fabrikën e çelikut në Mariupol
