Kush e merr Rithemelimin? Qafoku: Argita duhet të futet në garë, pa ndërhyrje

Analisti, Roland Qafoku ka folur këtë të ënjtë në Euronews Now për vazhdimësinë e grupit të Rithemeimit, në rast se miratohet kërkesa e masës së arrestit ndaj Sali Berishës.

Diskutimet nën zë flasin për një futje në garë të vajzës së ish-kryeministrit, Argita Berisha.

Qafoku u shpreh se Argita Berisha duhet të ishte futur më herët në politikë, jo tani në një moment kritik të Partisë Demokratike.

“Unë e imagjinoj që një Argita Berisha në krye të PD-së do ishte shumë më kontributore sesa Lulzim Basha, i vendosur nga Sali Berisha. Vetë duhet që ajo të garojë dhe t’a meritojë atë garë që do bëjë në Partinë Demokratike.”-tha ai.

Sipas tij, duke pasur parasysh cilësitë e Argitës, ajo do të mund t’a fitojë garën, qoftë edhe pa ndërhyrjen e babait të saj. Qafoku tha se ndërhyrja do të ishte një shkatërrim për karrierën e saj, por dhe për vetë Rithemelimin.

“Unë jam i bindur që kjo do t’ia shkatërrojë karrierën Argitës, por edhe Partisë Demokratike. Me aq sa e njoh unë zonjën Malltezi, ajo nuk ka nevojë për këto ndihmat dhe këto shiringat”, tha Qafoku.

Nga ana tjetër për kërkesën e arrestit të zotit Berisha, analisti u shpreh i keqardhur, duke marrë parasysh kontributin e tij 30 vjeçar në politikën shqiptare.

LEXONI GJITHASHTU:

• “A do të mbyllet Berisha në selinë e PD pas ‘arrestit’ nga SPAK?” Flet avokati i tij
• Sot gjyqi për Mediun, pritet të dëshmojnë Shkëlzen Berisha e Aldo Bumçi