Kush është 51-vjeçari që u gjet me kokë të prerë, dëshmitë e banorëve të zonës

Në fshatin Xarrë të Konispolit Andant Jaupin banorët që e njihnin hezitojnë të flasin para kamerave. Ndërsa jashtë tyre pohojnë se 51 vjeçari kishte kohë, që nuk punonte më si bari. Muajt e fundit ai punonte ku të gjente me pagesa ditore.

Sipas banorëve ai nuk kishte familje në Konispol, dhe ishte beqar. Andant Jaupi flinte në bodrumin e xhamisë së Kllogerit, aty dhe ku trupi iu gjet i coptuar. Gjatë kërkimeve për materiale kockore nga grupi hetimor, u gjendën dhe sende vetiake si veshmbathje dhe batanije, çka vërteton se bodrumin e kishte kthyer në vend strehimi.

Po jashtë kamerave banorët e Xarrës thonë se viktima në të shumtën e kohës ishte në gjendje të dehur, dhe të hollat që fitonte duke punuar i shpenzonte për raki.

Trupi i 51 vjeçarit u gjet një ditë më parë në bodrumin e Xhamisë së Kllogjerit i ndarë në dy pjesë. Ishte analiza e ADN-së që vërtetoj se e materiali kockor i përkiste Andant Jaupit, nga Elbasani.

Familjarët nuk e kishin deklaruar të zhdukur 51-vjeçarin, pasi sipas tyre ai zhdukej herëpashere për periudha 2-3 mujore.

Policia po vijon punën për zbardhjen e shkaqeve dhe rrethanave të ngjarjes.

LEXONI GJITHASHTU:

• Koka e ndarë nga trupi, identifikohet viktima e gjetur në Xarrë të Sarandës
• Ekstradohet në Shqipëri Behar Bajri, si u shty udhëtimi me 1 ditë për arsye sigurie