Kush është Diklen Vata, viktimë e atentatit në Fushë-Krujë

Diklen Vata, një nga viktimat e atentatit të ndodhur mesditën e së dielës në Fushë-Krujë, ishte një emër i njohur për policinë.

Më 27 shtator të vitit 2017, ai është arrestuar nga policia pasi i është gjetur një sasi kokainë pas ushtrimit të një kontrolli fizik.

Ndërsa, pas kontrollit në banesën e tij, janë gjetur 18 mbështjellëse të tjera me lëndë narkotike kokainë.

Në cilësinë e provës materiale, efektivët e policisë sekuestruan 22 doza me lëndë narkotike e dyshuar e llojit kokainë e cila rezultoi e peshës 11.4 gramë, 3 aparate celularë, mjeti i markës “Rover”.

Nga atentati i sotëm në mbikalimin e Fushë-Krujës, mbeti i vrarë Diklen Vata dhe dy persona të tjerë, identieti i të cilëve ende nuk është bërë i ditur.

Në drejtim të automjetit me të cilin ata udhëtonin, është qëlluar me 50 plumba. Kjo ka shkaktuar vdekjen e tyre dhe djegien e automjetit.

Ata janë dërguar fillimisht në spital, por nuk kanë mundur që t’i mbijetojnë plagëve të marra.

LEXONI GJITHASHTU

• Gjendet një automjet i djegur, dyshohet i autorëve të atentatit në Fushë-Krujë
• 50 plumba në atentatin e Fushë-Krujës, zbulohet identiteti i një prej viktimave
• 3 viktima nga atentati në Fushë-Krujë