Kush është Dritan Agolli, drejtori i akuzuar për skandale

Drejtori i Fondit Shqiptar të Zhvillimit Dritan Agolli është person me lidhje te forta politike.

Për 3 vitet e tij në detyrë ka pasur akuza për shkelje të barazisë në tendera dhe favorizim të bizneseve apo kryebashkiakëve të Partisë Socialiste.

Agolli njihet si njeri i afërt me Kryeministrin Edi Rama.

Ai ka mbajtur disa detyra të rëndësishme në bashkinë e Tiranës në vitet 2002 deri në 2011.

Në këtë periudhë ka qenë drejtor i urbanistikës, drejtor i punëve publike dhe administrator i përgjithshëm i bashkisë.

Pas vitit 2011, Agolli u angazhua në biznese private në fushën e ndërtimit dhe energjisë.

Në janar të vitit 2019, Edi Rama e emëroi Dritan Agollin drejtor të përgjithshëm të Fondit Shqiptar të Zhvillimit.

Ky fond tenderon në vit rreth 150 milion dollarë.

Projektet e fondit të zhvillimit janë të shtrira në infrastrukturë e bujqësi apo edhe tendera, si menuja ushqimore e 100 fshatrave.

Tenderat e Fondit Shqiptar të Zhvillimit kanë ngritur dyshime për shkak se janë fituar nga biznesmenë të fuqishëm.

Dritan Agolli është denoncuar edhe nga Partia Demokratike. Ai është kallëzuar për abuzim me tenderin e rikualifikimit të qendrës së Vlorës dhe është akuzuar se ka shpërndarë para tek kryebashkiakët socialistë për interesa elektorale.