English

Kush janë dy oligarkët rusë që presin pasaportë portugeze?

KOMENTE

SHPERNDAJE
ARTIKULLIN

Text sizeAa Aa

Lev Leviev dhe God Nisanov janë dy oligarkë rusë që presin të marrin nënshtetësinë  portugeze.

- Advertisement -

Leviev dhe Nisanov kanë kërkuar shtetësinë portugeze sipas ligjit sefardik dhe aktualisht Ministria e Drejtësisë duhet të marrë një vendim lidhur me këtë çështje në një kohë që sanksionet e shumë vendeve europiane ndaj oligarkëve rusë janë aktive.

Nisanov përshkruhet si një nga njerëzit më të pasur në Evropë, ndërsa Lev Leviev njihet si “mbreti i diamanteve” dhe njeri shumë i afrët i presidentit Vladimir Putin.

Autoritetet portugeze shpjeguan se sipas ligjit sefardik, shtetësia portugeze përmes natyralizimit mund t’u jepej pasardhësve të hebrenjve sefardikë portugez që u dëbuan nga Portugalia dhe Spanja në shekullin e 15-të.

Qeveria portugeze mund t’u japë shtetësinë pasardhësve të hebrenjve sefardikë portugez, të cilët u dëbuan nga Portugalia dhe Spanja në shekullin e pesëmbëdhjetë. Kjo masë është miratuar me ligjin organik nr. 1/2013 të datës 29 korrik”, thuhet në deklaratën e autoriteteve portugeze.

Megjithatë, të gjithë që aplikojnë për shtetësinë portugeze sipas këtij ligji duhet të plotësojnë disa kërkesa.

Ministria e Punëve të Jashtme shpjegon se “kërkuesit janë hebrenj sefardikë me origjinë portugeze dhe janë të rritur ose të emancipuar sipas ligjit portugez”.

Për më tepër, rregullorja kërkon që aplikantët të mos jenë dënuar më parë.

Kërkesa duhet të mbajë disa dokumente të tjera, të tilla si certifikata e regjistrimit të lindjes, një certifikatë e rekordit penal të lëshuar nga autoritetet kompetente dhe një certifikatë e komunitetit hebre me status të lidhur me fenë në Portugali.

LEAVE A REPLY

Please enter your comment!
Please enter your name here

Etiketimet

TË FUNDIT

Sondazh

Kush mendoni se mund ta marrë drejtimin e Rithemelimit nëse Berishës i caktohet masa “Arrest në shtëpi”?
×