Kush mund ta detyrojë Vuçiçin të njohë Kosovën? Ish-presidenti slloven tregon emrin

Ish-kryeministri i Sllovenisë, Borut Pahor, vlerësoi se nëse do të kishte një lider si kancelarja gjermane Angela Merkel, presidenti serb Aleksandar Vuçiç t’i mbante premtimet e bëra në Bruksel dhe Ohër dhe të njihte Kosovën.

Në emisionin “Një për një” në HRT, Pahor vlerësoi se ish-kancelarja gjermane Angela Merkel ishte “një faktor shumë domethënës për të sjellë ndryshime në Serbi në lidhje me Bashkimin Evropian”.

“Më kujtohet që ajo pati një takim me presidentine  atehershem Tadiq dhe në fakt donte të dëgjonte prej tij se ai ishte gati për një lloj njohjeje të Kosovës. Tadiq nuk e premtoi këtë. Në Serbi ndodhi një ndryshim, dhe  radikalët e Tomislav Nikoliq erdhen në pushtet. Shikoni se çfarë ndodh atëherë, radikalët në fakt fillojnë negociatat me Prishtinën” tha Pahor.

“Nëse do të ishte dikush si Angela Merkel nga viti 2011 deri në 2013, unë do të prisja që Vuçiq t’i mbante premtimet që bëri në Bruksel dhe Ohër dhe ta mbante Serbinë në anën perëndimore të ndarjes si dhe të njihte Kosovën në njëfarë”, shtoi ai.

Pahor tha se tani gjithçka është në dorën e Vuçiqit, për të arritur brenda një kohe të arsyeshme atë që Perëndimi pret prej tij, që është propozimi franko-gjerman.

“Nuk është e nevojshme që ai ta njohë Kosovën de jure, por të bëjë diçka të madhe që të ketë lehtësim, gjë që nuk është tani”, theksoi ai dhe shtoi se shqiptarët në Kosovë duhet ta përmbushin premtimin e tyre dhe të formojnë Asociacionin.

Ish- kryeministri slloven theksoi gjithashtu se ai ishte “një nga të fundit që tha se është e nevojshme të punohet me Vuçiqin në rrugën evropiane të Serbisë, në një kohë kur askush nuk ishte me Vuçiqin”.

Ai ka shtuar se ky qëndrim i tij personal do të ndryshojë nëse vërtetohet se ka lidhje mes Beogradit zyrtar dhe incidentit në veri të Kosovës që ndodhi më 24 shtator të këtij viti.

“Serbia duhet të jetë në Perëndimin demokratik, nëse mbetet në sferën e interesit të Rusisë, do të jetë një faktor jostabiliteti në rajon”.

Pahor gjithashtu theksoi se si mik i Serbisë, ai dëshiron ta shohë vendin në “Perëndimin demokratik, jo në Lindjen autokratike” në ndarjen e re të Evropës.

Një nga pasojat e luftës në Ukrainë do të jetë një ndarje e re e Evropës në Perëndim demokratik dhe në Lindje autokratike. Për mua tani shtrohet pyetja se ku do të shkojë vija ndarëse në Ballkanin Perëndimor dhe nëse Serbia do të jetë me ne apo kundër nesh. Për mua, si slloven, do të bëja gjithçka që mundem për ta bërë Serbinë në atë anë (të Perëndimit demokratik), sepse nëse Serbia mbetet në sferën e interesit të Rusisë, atëherë e gjithë ‘bota serbe’, siç thonë disa në Beograd, do të jetë faktor destabiliteti në rajon”, tha ai dhe shtoi se ata, si miq të Serbisë, duhet të bëjnë gjithçka që “Serbia siç është dhe që ulet në shumë karrige, në fund të vazhdojë të zgjedhë karrigen evropiane”. .

Në emision, Pahor iu referua edhe marrëdhënieve mes Serbisë dhe Rusisë.

“Ku shkojnë të rinjtë kur largohen nga Serbia? A do të shkojnë në Moskë? Jo – sigurisht që ata shkojnë në Perëndim. Kjo tregon më së shumti se ku është Serbia, historikisht dhe ndryshe. Ka një problem të madh. E di që presidenti Vuçiq dhe qeveria serbe e ‘ndërtuan’ forcën gjeopolitike të Serbisë me faktin se janë miq me Rusinë, dhe ai narrativë që ekziston tani në publikun serb nuk i shkon mirë Vuçiqit. Njerëzit pyesin veten nëse janë gati të lënë një mik dhe të shkojnë në Perëndim, i cili nuk është aq miqësor sa do të donin dhe ai moment është shumë i ndjeshëm”, tha ai.

Pahor vlerësoi se anëtarësimi i vetëm i të gjithë Ballkanit në Bashkimin Evropian garanton paqen dhe stabilitetin për një periudhë të gjatë kohore.

“Nëse dikush qëndron jashtë kësaj, nuk është mirë për askënd”, përfundoi Pahor për HRT.

LEXONI GJITHASHTU:

• Kurti refuzon Lajçak, zbulon pse nuk u takua me përfaqësuesin special të BE
• Media gjermane: Vuçiç mund të marrë goditjen e madhe
• Talat Xhaferi për shkëmbimin e territoreve: Do ishte fatale për Ballkanin