Kush mund të udhëtojë në Greqi? Publikohet lista e shteteve që marrin dritën jeshile nga 15 qershori

Greqia bëri me dije listën e 29 vendeve nga të cilat do të pranojë turistë kur fluturimet ndërkombëtare të rifillojnë me Athinën dhe Selanikun më 15 qershor.

Vendet që marrin dritën jeshile janë Shqipëria, Australia, Australia, Maqedonia e Veriut, Bullgaria, Gjermania, Danimarka, Zvicra, Estonia, Japonia, Izraeli, Kina, Kroacia, Letonia, Lituania, Malta, Mali i Zi, Norvegjia, Koreja e Jugut, Hungaria, Rumania, Serbia, Sllovakia, Sllovenia, Çekia, Finlanda etj.

Lista u përpilua pas ekzaminimit të të dhënave epidemiologjike të secilit vend dhe duke marrë parasysh njoftimet e Agjencisë së Sigurisë së Aviacionit të Bashkimit Evropian (EASA), si dhe rekomandimin e Komitetit të Sëmundjeve Infektive.

Vizitorët nga vendet e lartpërmendura do t’i nënshtrohen kontrolleve në aeroport, por jo karantinës 14-ditore. Secili vend i origjinës së pasagjerëve do të kontrollohet jo nga pika e nisjes së fluturimit, por nga pasaporta e tij.

Për të gjitha vendet e tjera, ndalimet aktuale të udhëtimit të Greqisë do të vazhdojnë të zbatohen, megjithatë lista do të përditësohet dhe zgjerohet që nga 1 korriku. Autoritetet greke do të monitorojnë zhvillimin e virusit dhe do të ndryshojnë rekomandimet e tij në përputhje me rrethanat.