Kush pritet të marrë mandatin e Lefter Kokës në Durrës

Pavarësisht se u shpallën fitues në garën zgjedhore të 25 prillit, disa prej kandidatëve si nga PS ashtu dhe nga PD-ja kanë zgjedhur të heqin dorë nga mandati.

Një prej tyre është Lefter Koka, i cili njoftoi sot dorëheqjen me një postim të faqen e tij zyrtare në “Facebook”.

Ai fitoi mandatin nën siglën e Partisë Socialiste në qarkun e Durrësit, por tashmë mandati i tij do duhet t’i kalojë dikujt tjetër.

Mandatin e Kokës, sipas renditjes në listën garuese të Partisë Socialiste pritet ta marrë Ana Dhamo. Kjo e fundit në listën e PS-së për qarkun Durrës ishte renditur e nënta, por tani me shumë gjasë mandati pritet t’i kalojë asaj.

Partia Socialiste në këtë qark fitoi tetë mandate deputeti, ndërsa kryeministri Rama pavarësisht se u shpall fitues në dy qarqe, zgjodhi të lë mandatin e Vlorës dhe të mbajë Durrësin.

LEXONI GJITHASHTU: 

• Lefter Koka heq dorë nga mandati i deputetit