Kushi: Kemi kërkuar në mënyrë urgjente pajisjen me sistem ngrohjeje për 28 shkolla

Ministrja e Arsimit dhe Sportit Evis Kushi, ka bërë me dije se nisur nga situata e kushteve atmosferike dhe temperaturave të ulëta kanë kërkuar marrjen e masave në kohë, sigurimin e ngrohjes dhe garantimin e kushteve për zhvillimin e procesit normal mësimor, si pjesë e përgjegjësisë së tyre.

Po ashtu ajo bëri me dije se kanë kërkuar në mënyrë urgjente pajisjen me sistem ngrohjeje të 28 shkollave nga ana e bashkive respektive.

“Ngrohja e institucioneve arsimore bëhet në disa mënyra: ngrohje qendrore me kaldajë, kondicionerë, ngrohës me energji elektrike, si dhe sobë me dru ose pelet. Duke vlerësuar këtë përpjekje të përbashkët me institucionet e pushtetit vendor dhe institucione të tjera, u kemi kërkuar bashkive të marrin masa për 51 shkolla ku ngrohja bëhet përmes sistemit elektrik por ngarkesa në rrjet ka sjellë vështirësi për ngrohjen optimale të tyre. Gjithashtu, i kemi informuar që të ndërhyjnë në 21 shkolla, ku sistemi i kaldajës ka nevojë për riparime apo furnizim me lëndë djegëse.”- shkruan Kushi.

Kjo e fundit ndër të tjera bën me dije se në disa shkolla të zyrave arsimore Dibër dhe Devoll, ku temperaturat janë tepër të ulëta, orët e mësimit janë reduktuar me 10 minuta.

LEXONI GJITHASHTU: 

• Temperaturat në Korçë -14 °C, vështirësi në qarkullimin e automjeteve
• Vogëlushi 3-vjeçar pi ujë në tapën e shishes, shpëtohet pas 43-orësh nga rrënojat