Kushi: Rritja me 7% e pagave të pedagogëve nxit rritjen e performancës

Ministrja e Arsimit, Evis Kushi thotë se rritja me 7 përqind e pagave të pedagogëve ka nisur nga 1 tetori.

Në takimin e zhvilluar me rektorët e universiteteve për rankimin e institucioneve të arsimit të lartë, Kushi u shpreh se vendimi për të rritur me 15 përqind pagat, 7 përqind nga të cilat mbulohet nga buxheti i shtetit, nxit rritjen e performancës së universiteteve.

“Ka rritje të nivelit të punës kërkimore shkencore, por duhet të punojmë më shumë për misionin e tretë të universiteteve që rezultatet t’i vënë në dispozicion të zhvillimit të vendit. Vendosëm të rrisim pagat deri në 15%, dhe Universiteti 7% do ta mbulojë me të ardhurat e tij dhe ky vendim nxit rritjen e performancës”, tha Kushi.

Ministrja u shpreh se universitetet që performojnë më mirë, do të vlerësohen më shumë nga buxheti i shtetit.

Gjatë fjalës së tij në këtë takim, kreu i qeverisë shqiptare nënvizoi se është e papranueshme që universitetet shqiptare të renditen në ato shifra në hartën globale.

Por, kreu i qeverisë shqiptare sqaroi se renditjet duhet të bëhen edhe në bazë kapacitetesh.

LEXONI GJITHASHTU:

• Rankimi i universiteteve shqiptare, Rama: E papranueshme, nuk pasqyron kapacitetet
• Protesta e pedagogëve në rrethe, Korça dhe Vlora bojkotojnë