Gjykata Kushtetuese rrëzon mënyrën e shpërndarjes së mandateve, shfuqizon kriterin e herësit

Gjykata Kushtetuese vendosi të shfuqizojë sot pikën 3 të Nenit 163 në Kodin Zgjedhor, i cili flet për herësin në shpërndarjen e mandateve për deputetë.

Kjo pikë parashikonte që kandidatët, të cilët mund të ishin vendosur në listën e sigurt të kryetarëve të partive, mund të rrezikonin vendin në parlament vetëm në rastin kur kandidatët e tjerë të renditur më poshtë siguronin vota sa mesatarja që i është dashur partisë për të siguruar një mandat – herësi.

Ky herës ishte specifikuar që nuk do të ishte më shumë se 10 mijë vota për çdo qark.

Në zgjedhjet e 25 prillit herësin arritën ta thyenin kandidatët socialistë Fatmir Xhafa dhe Ornaldo Rakipi dhe demokrati Luçiano Boçi.

Gjykata Kushtetues e shfuqizoi këtë mënyrë shpërndarjeje mandatesh pas padisë së bërë nga Bindja Demokratike dhe Lëvizja Demokratike Shqiptare, të cilat pretendonin se Neni 163 i Kodit Zgjedhor binte ndesh me Kushtetutën.

Pas vendimit të Gjykatës, pritet që Kodi të rishikohet në legjislaturën e re.

LEXONI GJITHASHTU:

• Kodi Zgjedhor, ‘Kushtetuesja’ cakton seancën për kërkesën e Bindjes Demokratike dhe partisë së Murrizit